Аёл боласига ўйинчоқ олиб бермагани учун отиб ўлдирилди
Жиноятни унинг ўғли содир этган.
АҚШнинг Висконсин штатида 10 ёшли ўғлига виртуал реаллик кўзойнагини олиб беришдан бош тортгани Квиана Маннга қимматга тушди. Бундан хафа бўлган бола онасининг хонасидан тўппончани олиб ертўлага тушади. Бу пайтда она кир ювиш билан банд эди.
Бола онасини отиб ташлаб, унинг пластик картасини олган ва ўзига можаронинг сабаби бўлган буюмни сотиб олган.
Айни пайтда кичкина жиноятчи вояга етмаганлар ишлари бўйича марказда сақланмоқда. У дастлаб қуролни шунчаки ўйнаётганида бехосдан отилиб кетганини айтган.
Аммо бироз вақт ўтиб у онасини атайин отиб ташлаганини тан олган. Штат қонунларига кўра, оғир жиноят содир этган болалар ҳам жавобгарликка тортилиши мумкин. Онасини отиб ўлдирган болага 60 йилгача қамоқ жазоси берилиши мумкин.
