Андижонда ичида болалар бўлган Damas ағдарилиб кетди
Ҳолат юзасидан вилоят ИИБ маълумот берди.
Бугун, 24 декабрь куни Андижон туманида иккита автомашина иштирокида йўл-транспорт ҳодисаси содир бўлди. Ҳолат юзасидан вилоят ИИБ маълумот берди.
Тўқнашув соат 17:00 ларда Андижон тумани ҳудудидан ўтган А-373 Тошкент–Ўш автомобиль йўлининг 439-километрида юз берган. Cobalt русумли автомашина Damas автомобилининг йўлига чиқиб юбориши оқибатида Damas ҳайдовчиси бошқарувни йўқотган ва йўл четига ағдарилиб кетган.
Автомашина салонида ҳайдовчи — 2004 йилда туғилган фуқаро А.О. билан бирга яна 4 нафар бола бўлган. ЙТҲ оқибатида тан жароҳати олганлар йўқ. Йўловчи болалар амбулатор кўрикдан ўтказилиб, уйига рухсат берилган.
Ҳозирда ушбу ҳолат юзасидан Андижон тумани ИИБ ЙҲХБ ходимлари томонидан суриштирув ишлари олиб борилмоқда.
Жавоҳирбек ТУРСУНОВ
