Бухорода ёввойи ғозлар ўлдирилиб, йўл бўйига осиб кетилди
Ҳолатга расмийлар изоҳ берди.
Ижтимоий тармоқда Бухоро вилоятидаги “Сармой” пости яқинда ёввойи ғозлар ўлдирилиб, осиб қўйилгани ҳақида хабар тарқалди. Ҳолатга вилоят экология ва муҳитни муҳофаза қилиш бошқармаси расмий муносабат билдирди.
Маълум бўлишича, А-380 магистрал йўл ёқасида жойлашган ошхона рўпарасида 2 нафар номаълум фуқаро ўрдак ва ғозларни осиб қўйиб кетган.
Осиб қўйилган ғозлар “КЭМП” ошхона раҳбари Д.Х томонидан ўша куннинг ўзида бартараф этилган.
Ҳуқуқбузарларнинг шахсига ойдинлик киритиш ва амалдаги қонунчилик асосида чора кўриш учун вилоят ИИБга бирламчи ҳужжатлар тақдим этилган.
