Эрон Россиядан Су-35 қирувчи самолётни сотиб олади
Бу ҳақда Исроил нашрлари бонг урмоқда
Исроилнинг бир нечта ОАВ Россия яқин келажакда Эронга ўнлаб Су-35 қирувчи самолётлари етказиб беришини ёзмоқда.
Хабарда айтилишича, бу маълумот "Эрон ва Россия келишувларини кузатувчи ғарб разведка манбалари"дан олинган.
Аниқлик киритилишича, гап дастлаб Миср учун ишлаб чиқарилган 24та қирувчи самолёт ҳақида кетмоқда. Исроил нашрларига кўра, келишув АҚШ босими туфайли амалга ошмаган.
2022 йил январида Франциянинг Air&Cosmos нашри сунъий йўлдош тасвирларига таяниб КнААЗ ҳудудида Миср учун тайёрланган Су-35 самеоетлари сақланаётганини ёзган.
2021 йил охирида уларнинг сони 11 та бўлган, декабрда эса 15тага етган. Аммо расмий манбаларда бу самолётлар ҳақида маълумот чиқмаган.
2021 йил 25 декабрида эронлик журналист Бабак Тагви бу Эрон бу самолётлар билан қизиқаётганини Twitter'да ёзган.
