Энди кўпчилик Россия нефтисиз қолади
Путин яна бир жиддий фармонни имзолади
Путин Россия нефтига қўйилган чегара нархларга жавоб чораларини эълон қилди. Бу бўйича президент махсус фармонни имзолади.
Россия Федерациясидан нефть ва нефть маҳсулотларини етказиб беришни тақиқлаш 2023 йил 1 февралдан кучга киради. У 2023 йил 1 июлгача амал қилади.
Энди шартномаларда нархларнинг юқори чегарасини белгилаган шахсларга маҳсулот етказиб бериш тақиқланди. Агар шартномада чегара нархларни қўллаш механизми қайд этилган бўлса, хорижий харидорларга нефть етказиб бериш ҳам тақиқланади.
Россиянинг нефть ва нефть маҳсулотларига нисбатан нарх чегарасини жорий қилган мамлакатларга етказиб бериш фақат Путиннинг махсус қарори асосида амалга оширилади.
Россия нефтига нархларнинг юқори чегарасини жорий этишга жавоб чоралари тўғрисидаги фармонига риоя этилишини назорат қилиш Энергетика вазирлиги томонидан амалга оширилади.
