АҚШ Ҳинд ва Тинч океани минтақаларидаги ҳарбий таъсирини йўқотмоқда—Politico
Осиёнинг аксарият давлатлари Пекиннинг эҳтимолий реакциясидан хавотирда.
Айрим АҚШ қонунчилари мамлакатнинг Ҳинд ва Тинч океани минтақаларидаги ҳарбий кучига шубҳа билан қарамоқда. Бу ҳақда сешанба куни “Politico” газетаси ёзди.
Аввалроқ Қўшма Штатлар Ҳинд ва Тинч океани минтақаларида йирик ҳарбий кучларни жойлаштиришга ваъда берганди.
“Бу амалга оширилган тақдирда Хитой Тайванга бостириб киришни хаёлига ҳам келтиролмаган бўларди”, — дейилади хабарда.
Хусусан, Мудофаа вазири ёрдамчиси Эли Ратнер декабрда 2023 йил минтақада АҚШ кучларини жойлаштириш бўйича йирик ўзгаришлар бўлиши мумкинлигини айтганди. Бироқ АҚШнинг айрим қонунчилари, шунингдек, Вашингтоннинг иттифоқчилари Америка ҳарбий қудратини кучайтиришга кеч қолган деб ҳисоблайди.
Республикачилардан бўлган Конгресс аъзолари бу ваъдани амалга ошириш Пентагон учун қийин вазифа бўлишини тахмин қилмоқда. Қонунчиларнинг таъкидлашича, Хитой ҳозирда Ҳинд ва Тинч океани минтақаларида “Американинг узоқ йиллик ҳукмронлигига қарши курашишга” қодир ва етарли даражада катта денгиз флотига эга.
Конгресс аъзолари, шунингдек, пандемия ва Украина атрофидаги вазият сабаб Тайванга қурол-яроғ етказиб қийин бўлишига ишора қилмоқда.
Politico’нинг қўшимча қилишича, Жануби-Шарқий Осиёнинг аксарият давлатлари Пекиннинг эҳтимолий реакциясидан хавотирда. Шу сабабли улар Хитой билан зиддият юзага келган тақдирда АҚШга ҳарбий ёки логистик ёрдам кўрсатишдан бош тортиши мумкин.
