Эрон президенти мамлакатдаги норозилик намойишларида АҚШни айблади
16 сентябрь куни Маҳса Аминийнинг ўлимидан сўнг Эроннинг кўплаб шаҳарларида намойишлар авж олди.
Эрон президенти Иброҳим Раисий АҚШни мамлакатдаги норозили намойишларини кучайишида айблади. Бу ҳақда “Лента.ру” хабар берди.
“Яқинда юз берган ҳодисалар партиялар ва сиёсий ҳаракатлар уруши эди. Улар кўчага чиқиб, турли миш-мишларни тарқатган, уларнинг мақсади одамларнинг умидини сўндириш эди”, – деган у.
Президентнинг сўзларига кўра, Ғарб шу тариқа Эрон жамиятининг асосларига зарба бермоқчи.
Эронда 16 сентябрда норозилик намойишлари бошланган. Бунга Маҳса Аминийнинг ўлими сабаб бўлган. норозилик намойишлари бир неча ой давом этди. Юзлаб одамлар ҳалок бўлган.
Аввалроқ Эрон Олий раҳнамоси Оятуллоҳ Хоманаий намойишчиларни террорчиларга тенглаштирганди.
