Меркель Украина низосини ҳал қилишда иштирок этадими?

 

Германия собиқ канцлери Ангела Меркель Украина можаросини ҳал қилишда иштирок этмаслигини маълум қилди. Бу ҳақда у Sette нашрига берган интервьюсида маълум қилган.

 

“Бу масала кўриб чиқилмаяпти. Барибир қачондир ҳаммаси музокаралар билан тугайди. Уруш музокаралар столида якунланади. Аммо мажбуран ўтказилган тинчлик ва очиқ дўстона мулоқот ўртасида фарқ бор.Бошқа ҳеч нарса қўшимча қилолмайман”, – деган собиқ канцлер.

 

Меркель ўзининг Россия ва Украинага нисбатан сиёсатини изоҳлар экан, мантиққа асосланиб қарор қабул қилганини таъкидлаган. У ҳамон бу ҳаракатларини оқилона деб ҳисоблашини айтган.

 

Сиёсатчи урушнинг олдини олишга ҳаракат қилганини ҳам қайд этган.