Россияда мигрантлар учун янги хизмат йўлга қўйилиши кутилмоқда
Россия ИИВ миграция масалалари бўйича Бош бошқармаси бошлиғи ўринбосари Дмитрий Демиденко мигрантларни воситачилар хизматидан фойдаланмасликка чақирди.
Мигрантлар муаммо туғилган пайтда улар нима қилишлари мумкинлиги ҳақида маълумот берадиган хизматни яратиш устида иш олиб борилмоқда. Бу ҳақда Россия ИИВ миграция масалалари бўйича Бош бошқармаси бошлиғи ўринбосари Дмитрий Демиденко маълум қилди.
Унинг сўзларига кўра, Миграция бош бошқармаси сайтида зарурий вазиятлар деб аталувчи алоҳида хизмат пайдо бўлади.
“Биз нима қилишни хоҳлаяпмиз? Фуқаролар, жумладан, Қирғизистон фуқаролари мурожаатлари асосида қўлланма пайдо бўлади, масалан, қабул қилувчи томон мени миграция рўйхатига қўйишни истамаса, нима қилишим керак ва шунга ўхшаш ҳолатларда. Икки ойдан сўнг бу хизматни ишга туширишни режалаштиряпмиз”, — деди Демиденко Sputnik Қирғизистон билан суҳбатда.
Шунингдек, у кўплаб саволлар, жумладан, вақтинчалик ёки доимий мақомни расмийлаштириш билан боғлиқ масалаларга оид маълумот бошқарма сайтида мавжудлигини эслатди.
Демиденко мигрантларни воситачилар хизматидан фойдаланмасликка чақирди, чунки чув тушишлари мумкин.
