Лавров Зеленскийнинг "тинчлик формуласини" сароб деб баҳолади
РФга 4 та янги ҳудуд қўшилмаса, Украина билан келишмайди.
Россия ҳукумати Киев билан "тинчлик формуласи" асосида мулоқот қилишни режалаштирмаяпти. Украина Президенти Владимир Зеленский таклиф қилган концепцияни Россия ТИВ Сергей Лавров сароб деб баҳолади.
"Зеленский ҳар хил "тинчлик формулалари"ни таклиф қилиш орқали Ғарб ёрдамида бизнинг ҳарбийларимиз Донбасс, Қрим, Запорожье ва Херсондан чиқишига ва Росси халқаро трибуналлар олдида айбор бўлишига эришмоқчи. Албатта биз бундай шароитда ҳеч ким билан мулоқот қилмаймиз", — деди Лавров.
Шунингдек у Зеленскийни "англосакслар кўрсатмаси билан" февралда бошланган Россия-Украина мулоқотини тўхтатишда айблади. Унинг таъкидлашича, музокараларнинг бир неча раунди келишувга эришиш мумкинлигини кўрсатган эди.
"Тинчлик формуласи" Украина Президенти томонидан Индонезиядаги G20 саммитида таклиф қилинган.
28 декабрь куни Россия Президенти матбуот котиби Дмитрий Песков тўртта янги ҳудудни РФга қўшилгани тан олинмаса Украина билан келишув бўлмаслигини эълон қилди.
