Украина яна бир шаҳарни озод қилишга яқин турибди
Ушбу ҳудуд Донбасснинг муҳим индустриал районларини қайтариб олишда “дарвоза” вазифасини ўтайди.
Украина ҳарбийлари Луганск вилоятидаги Кременной шаҳрини қайтариб олишга яқин турибди. Бу ҳақда The New York Times (NYT) хабар берди.
Ўз навбатида Россия кучлари ушбу ҳудуддаги мудофаасини кучайтирмоқда. Кременной Донбасснинг муҳим индустриал районлари — Северодонецк ва Лисичаескни озод қилишда “дарвоза” вазифасини ўтайди. Ушбу шаҳарлар ёзда Россия томонидан эгаллаб олинган эди.
“Кременнойни қайтариб олиш Украина кампаниясидаги йирик шаҳарларни озод қилишдаги яна бир йирик қадам бўлар эди”, — дейилади газета хабарида.
Буюк Британия мудофаа вазирлиги Москванинг шаҳар яқинида мудофаани кучай тираётганини таъкидлаган. Рус қўмондонлиги бу ердаги мудофаага устуворлик бериши тахмин қилинмоқда.
Владимир Зеленский 27 декабрь куни ҳарбийлар билан Бахмут ва Кременной атрофидаги вазиятни муҳокама қилган.
