Самарқанд шаҳрида 2 та уй ёниб кетди
Воқеа жойига 6 та ёнғин-қутқарув экипажи юборилган.
Кеча, 1 январь куни Самарқанд шаҳридаги 2 та хонадонда ёнғин чиқди. Бу ҳақда вилоят Фавқулодда вазиятлар бошқармаси хабар берди.
Қайд этилишича, соат 17:34 да Самарқанд шаҳри «Бек» МФЙ Бобур кўчасидаги хонадонларда ёнғин содир бўлаётгани тўғрисида вилоят ФВБга хабар келиб тушган. Шунга кўра, воқеа жойига 6 та ёнғин-қутқарув экипажи жалб этилган ва соат 18:55 да ёнғин тўлиқ бартараф этилган.
Ҳодиса оқибатида ҳалок бўлган ва жабрланганлар йўқ. 2 та хонадоннинг тахминан 200 квадрат метр майдонда шифт ва том қисми ҳамда уй жиҳозлари ёниб зарарланган.
Ёнғиндан хонадонларнинг тахминан 80 квадрат метр майдони сақлаб қолинган. Ҳозирда терговга қадар текшириш ишлари олиб борилмоқда.
