Тошкентдаги 16 та ОТМда ўқиш 09:30 дан бошланади

 

31 та ОТМда дарс жараёнининг бошланиш вақти ўзгаради, дея хабар бермоқда Олий ва ўрта махсус таълим вазирлиги.

 

Қайд этилишича, Тошкент метрополитенида йўловчи оқимини тўғри тақсимлаш, талабаларнинг ўз вақтида дарс машғулотларига етиб боришлари учун қулайлик яратиш мақсадида бекатларга яқин жойлашган олий таълим муассасаларининг мақбуллаштирилган иш графиги тасдиқланган.

 

Унга кўра, 2023 йил 9 январдан 31 та ОТМ талабалари ўзгарган график асосида дарсларга қатнашади.

 

Бу ўзгариш тиғиз вақтларда метрополитенда йўловчи оқимини мақбуллаштириш билан боғлиқ. Тегишли таълим муассасаларида иш графиги мақбуллаштирилгандан сўнг тиғиз вақтларда метрополитенда йўловчи оқимини тўғри тақсимлаш бўйича қўшимча чоралар кўрилади. 

 

Қуйидаги олий таълим муассасаларида дарслар 9:30 дан бошланади:  

– Низомий номидаги Тошкент давлат педагогика университети; 

– Cингапур менежментни ривожлантириш институти; 

– Пучон университети; 

– ТМС институти; 

–Тошкент давлат иқтисодиёт университети; 

– Г.В. Плеханов номидаги Россия иқтисодиёт университети Тошкент филиали; 

– Ўзбекистон давлат консерваторияси; 

– Вебстер университети; 

– Тошкент кимё-технология институти; 

– Тошкент фармацевтика институти; 

– Тошкент давлат юридик университети; 

– Тошкент молия институти; 

– Муҳаммад ал Хоразмий номидаги Тошкент ахборот технологиялари университети;

– Тошкент давлат техника университети;  

– Жаҳон иқтисодиёти ва дипломатия университети; 

– Янги Ўзбекистон университети.

 

Эслатиб ўтамиз, қишки таътил тугаб, дарс жараёнларининг бошланиш санаси 9 январь, душанба кунига тўғри келади. 5 январдан эса талабалар турар жойи ўз ишини бошлайди.