2023 йилда Буюк Британияни oғир рецессия кутмоқда
Мутахассислар бунинг сабабини айтишди.
2023 йилда Буюк Британия G7 мамлакатлари орасида энг ёмон рецессияга дуч келади. Бу ҳақда иқтисодчиларга таяниб, Financial Times газетаси ёзмоқда.
Прогнозларга кўра, Буюк Британияда 2023 йилги таназзул коронавирус пандемиясининг оқибатларидан кўра қийинроқ бўлади.
Мутахассисларнинг фикрича, пандемия ва Украинадаги ҳарбий амалиёт туфайли инфляция зарбаси Британия ҳукуматини қаттиқ фискал сиёсат юритишга, Англия банкини эса юқори фоиз ставкаларини сақлаб қолишга мажбур қилади. Ялпи ички маҳсулот 2023 йилда 1 фоизга қисқаради, бу евро ҳудудида атиги 0,1 фоизга қисқаради ва шу даврда АҚШда 0,25 фоизга ўсади.
Ноябрь ойида Буюк Британияда йиллик инфляция 11 фоизга етди ва 41 йиллик рекордни янгилади. Худди шу ойда Англия банки асосий фоиз ставкасини 3 фоиздан 3,5 фоизга кўтарди. 2023 йилда Украинадаги жанговар ҳаракатлар туфайли ХВФ Европа Иттифоқи мамлакатларининг ярмида рецессияни кутмоқда.
