Ўзбекистонда Аҳоли соғлиғини сақлаш кодекси ишлаб чиқилди
Янги кодекс 200 та моддадан иборат.
2022 йил 30 декабрь куни Ўзбекистон Республикасининг Аҳоли соғлиғини сақлаш кодекси лойиҳаси эълон қилинди.
Мазкур кодекс умумий ва махсус қисмларда жами 5 та боб, 200 моддада баён этилмоқда.
У аҳолининг малакали тиббий хизматдан фойдаланишга бўлган конституциявий ҳуқуқини таъминлаш мақсадида соғлиқни сақлаш соҳасидаги муносабатларни тартибга солади.
Кодекснинг асосий вазифалари қуйидагилардан иборат:
—фуқароларнинг соғлиғини сақлашга доир ҳуқуқлари давлат томонидан кафолатланишини таъминлаш;
—фуқароларга хавфсиз, самарали ва сифатли тиббий ёрдам кўрсатишни таъминлаш;
—фуқароларнинг соғлом турмуш тарзини шакллантиришга кўмаклашиш;
—аҳолининг санитария-эпидемиологик осойишталигини таъминлаш;
—давлат органлари, корхоналар, муассасалар, ташкилотлар, жамоат бирлашмаларининг фуқаролар соғлиғини сақлаш соҳасидаги фаолиятини ҳуқуқий жиҳатдан тартибга солиш.
Ҳужжат лойиҳаси муҳокамаси 14 январгача давом этади
