Bloomberg : Хитойда крематорийлар етишмаяпти
Декабрь ойида ХХРда коронавирус чекловлари юмшатилган эди. Шундан кейин COVID-19 билан касалланиш ҳолатлари кескин ортган.
Хитойда коронавирус билан касалланиш кескин ортиши оқибатида мамлакатда крематорийлар тўлиб кетди. Бу ҳақда Хитойдаги манбаларига таяниб Bloomberg хабар берди.
Инфекция билан касалланиш кескин ортиши ортидан декабрда ХХР кунлик ҳолатлар статистикасини эълон қилишни тўхтатган эди. Январда COVID-19 қурбонлари 9 мингдан 25 минггача ортиши мумкин.
Шанхай ва Пекиндаги крематорийлар ишчиларининг Bloomberg'га айтишича, коронавирус қурбонлари жасади 24 соат ёндирилмоқда. Ходимлардан бири дафн қилиш соҳаси фалажланиб қолганини маълум қилган.
Линхуадаги крематорийлардан бирига кунига 500 жасад келаётгани қайд этилган. Жорий вазият ортидан Хитойда жасадларни ёқиш бўйича ноқонуний бизнес ривожланган бўлиши мумкин.
Декабрь ойида оммавий норозилик намойишларидан сўнг ХХРда коронавирус чекловлари юмшатилган эди.
