Ўғрилар полицияга қўнғироқ қилиб, ёрдам сўради
Улар ўғирланган буюмларни ва ўзларини аэропортга олиб боришни сўраган.
АҚШнинг Флорида штати Пойнциана шаҳарчаси полициясига аёл қўнғироқ қилиб зудлик билан ёрдамга муҳтожлигини айтган.
Полиция айтилган манзилга етиб келганида ҳеч ким эшикни очмаган. Шунинг учун ходимлар уйга ўзлари киришга мажбур бўлган.
Ичкарида эса уларни бинони тўнаб, нарсаларни олиб чиқишга қийналаётган жуфтлик кутиб турган эди.
Маълумотлар базасидан текширилганда эркак шаҳар гипермаркетида ўғрилик қилиб, кузатув камерасига тушгани аниқланди.
Аниқланишича, аёл шериги билан ўғирланган нарсаларни олиб чиқа олмагани туфайли полициядан ёрдам сўраган, шунингдек улар полициядан аэропортгача ташлаб қўйишни ҳам илтимос қилган. Аммо полициячилар “ақлли” ўғриларни бошқа жойга ташлаб қўйди.
