АҚШда марҳумларнинг жасадини майдалаб сотган шахс аниқланди
Унинг “бизнес ҳамкори” — ўз онаси.
АҚШнинг Колорадо штатида дафн маросимлари бюроси эгаси жасадларни бўлакларга бўлиб сотгани аниқланди. Бунда унга онаси ёрдам берган.
“Товар” тиббий ташкилотларга ёки ўқув муассасаларига сотиб келинган. Марҳумларнинг органлари устида синов ва тажрибалар ўтказилган.
Аслида улар маҳсулот жиноят натижаси эканини билмаган. Чунки органлар сохта донорлик органи ҳужжатлари билан етказилган. Ҳужжатларни эса жиноятчининг бошқа шериги — Donor Services фирмаси тайёрлаб берган.
Бу бизнес 2010—2018 йиллар давомида гуллаб-яшнаган. Бу даврда 550 дан ортиқ жасад майдаланган.
Шу йил январда она-болага ҳукм ўқилди. 46 ёшли Меган Хесс 20 йил, унинг онаси — 69 ёшли Ширли Кох эса 15 йил қамоқ жазосига ҳукм қилинди.
