Бухорода куёв қайнукасини пичоқлаб қўйди
Бунга оилавий жанжал сабаб бўлган.
Вобкентда фуқаро спиртли ичимликлар истеъмол қилган маст ҳолатда қайнукасига оғир тан жароҳати етказди.
Бухоро вилояти ИИБнинг маълум қилишича, жорий йилнинг 5 январь куни соат 22:00 ларда Вобкент тумани «Қурувчи» маҳалласида яшовчи, 1987 йилда туғилган П.А. исмли шахс спиртли ичимлик истеъмол қилган маст ҳолатда ўзининг яшаш уйида қайнукаси Вобкент тумани Араблар қишлоғида яшовчи, 1998 йилда туғилган С.М. билан оилавий келишмовчилик сабабли жанжаллашиб қолади. Жанжал вақтида қўлидаги ошхона пичоғи билан уни чап елка қисмига қасддан бир марта уриб, ҳаёт учун хавфли бўлган оғир шикаст етказган.
Ҳозирда мазкур ҳолат юзасидан туман ИИБ томонидан А.П.га нисбатан Ўзбекистон Республикаси Жиноят кодексининг 104-моддаси 2-қисми билан жиноят иши қўзғатилиб, ҳозирда дастлабки тергов ҳаракатлари олиб борилмоқда.
