Исматулла Эргашев АҚШ элчиси билан музокара ўтказди
Улар Афғонистондаги вазиятни муҳокама қилган.
Бугун, 9 январь куни Ўзбекистон Республикаси Президентининг Афғонистон бўйича Махсус вакили Исматулла Иргашев АҚШнинг Фавқулодда ва Мухтор Элчиси Жонатон Девид Хеник билан музокаралар ўтказди. Бу ҳақда Ташқи ишлар вазирлиги хабар бермоқда.
Қайд этилишича, томонлар Афғонистондаги мавжуд вазият, Ўзбекистон ва АҚШнинг афғон инқирозини ҳал қилиш борасидаги саъй-ҳаракатларини муҳокама қилган.
“Афғонистоннинг янги ҳукумати томонидан халқаро ҳамжамиятнинг асосий талаблари бажарилиши, айниқса, хотин-қизларнинг меҳнат ва таълим олиш ҳуқуқлари таъминланиши зарурлиги қайд этилди”, — дейилади хабарда.
