Рамзан Қодиров танқид қилган рус генерали юқори лавозимга тайинланди
У октябрда Россиянинг Украинада ҳаракат қилаётган “Марказ” қўшинлар гуруҳи қўмондонлигидан четлатилганди.
Генерал-полковник Александр Лапин Россия қуролли кучлари қуруқлик қўшинлари бош штаби бошлиғи этиб тайинланди. Бу ҳақда РБК хабар берди.
Октябрь ойида у РФнинг Украинадаги “Марказ” қўшинлар гуруҳидан четлатилган эди. бунгача у Чеченистон раҳбари Рамзан Қодиров ва “Вагнер” хусусий ҳарбий компанияси асосчиси Евгений Пригожиннинг танқидларига учраганди.
Хусусан, Қодиров уни Лиман шаҳрини йўқотилишида айблаганди. У Лапинни “қобилиятсиз” деб атаган.
2022 йилнинг 4 июль куни Владимир Путин 58 ёшли генералга Россия қаҳрамони унвонини берганди.
