Саудия Арабистони Ҳаж зиёратига қўйилган коронавирус чекловларини бекор қилди
Подшоҳлик расмийлари сўнгги уч йил ичида COVID-19 тарқалиши сабабли Ҳажга зиёратчилар сонини чеклаб қўйганди.
Саудия Арабистони ҳукумати коронавирус пандемияси сабабли Ҳаж зиёратига қўйилган чекловларни бекор қилди. Бу ҳақда Anadolu агентлиги маълум қилди.
«Зиёратчилар сони пандемиягача бўлган даражага етади, ёш бўйича чекловлар қўйилмайди», — деди Подшоҳлигининг Ҳаж ва умра вазири Тауфик ар-Рабиа.
Вазирнинг сўзларига кўра, энди улар Саудия Арабистонида хизмат кўрсатиш бўйича исталган ваколатли компания билан шартнома тузишлари мумкин.
«Биз ҳамкорларимиз билан биргаликда зиёратчиларнинг етиб келиш тартибларини осонлаштириш учун NUSK платформасини ишга туширдик», — деди Тауфик ар-Рабиа.
Саудия Арабистони расмийлари сўнгги уч йил ичида COVID-19 тарқалиши сабабли Ҳажга зиёратчилар сонини чеклаб қўйган эди.
