“Путиннинг қадрдони” Украина фуқаролигидан айрилди
Виктор Медведчук Олий Рада собиқ депутати ҳисобланади. 2022 йил сентябрида у Россия билан асирлар алмашинувида Москвага топширилганди.
Владимир Зеленский Виктор Медведчук ва бошқа уч депутат — Тарас Козак, Андрей Деркач ва Ренат Кузьминни Украина фуқаролигидан маҳрум қилди. Бу ҳақда у кечки видеомурожаатида маълум қилган.
«Украина хавфсизлик хизмати ва давлат миграция хизматлари томонидан тайёрланган материаллар асосида ва мамлакатимиз Конституциясига таяниб тўрт шахснинг фуқаролигини бекор қилиш бўйича қарор қабул қилдим”, — деган Украина раҳбари.
Медведчук ОАВда “Путиннинг қудаси” номи билан машҳур. У Украина Олий Радаси депутати бўлган. Сиёсатчи давлатга хиёнатда айбланган. 22 сентябрь куни Россия билан асирлар алмашинуви жараёнида собиқ депутат Москвага топширилди.
