Ўзбекистон ТИВ Кобулдаги портлаш юзасидан баёнот эълон қилди
Террорчилик хуружи оқибатида ташқи сиёсат идораси ходимлари ҳам ҳалок бўлган.
Ўзбекистон Республикаси Ташқи ишлар вазирлиги Кобулдаги террорчилик ҳаракати юзасидан баёнот эълон қилди.
“Жорий йилнинг 11 январь куни Кобул шаҳрида Афғонистон Ташқи ишлар вазирлиги биноси яқинида содир этилган террорчилик хуружини кескин қоралаймиз”, — дейилади хабарда.
Ушбу қабиҳ ҳаракат кўплаб инсонлар, асосан, ташқи сиёсат идораси ходимлари орасида қурбонларга сабаб бўлган.
Вазирлик ҳалок бўлганларнинг оила аъзолари ва яқинларига чуқур ҳамдардлик билдириб, жароҳатланганларнинг тезроқ соғайиб кетишини тилаган.
