Россия Британияга нисбатан санкциялар киритди
Рўйхатга 36 нафар шахс киритилган.
Россия Ташқи ишлар вазирлиги Буюк Британияга қарши санкцияларни кенгайтиришга қарор қилди.
Рўйхатга Вазирлар Маҳкамасининг 36 нафар янги аъзоси, ҳуқуқни муҳофаза қилувчи органлар ва журналистлар корпуси вакиллари киритилган. Ҳозирча уларнинг исмлари эълон қилинмаган.
“Буюк Британия расмийларининг душманона ҳаракатлари жавобсиз қолмаслигини ва Киев режимини қўллаб-қувватлаш Ғарб давлатларига қимматга тушишини эслашга мажбурмиз. Тарих шуни кўрсатадики, аниқ фактларни ҳамма ҳам идрок эта олмайди”, — дейилади ТИВ хабарида.
Эслатиб ўтамиз, Россия Британия фуқароларига нисбатан охирги марта 2022 йил сентябрга санкциялар киритганди. 24 февралда ҳарбий амалиёт бошланганидан бери Буюк Британия ҳам Россия фуқароларига қарши бир неча бор шахсий санкциялар киритган.
