“Бавария”га дарвозабон керак
Клуб мураббийи бу ҳақда маълум қилди.
“Бавария” бош мураббийи Юлиан Нагелсманн жароҳатланган Мануэл Ноернинг ўрнига бошқа дарвозабон олиб келиниши кераклигини айтди.
“Дарвозабонларимиз билан боғлиқ ҳолатни барча яхши билади. Бизга бошқа дарвозабон керак. Хўш, агарда келаси ҳафтада бошқа дарвозабонимиз ҳам жароҳатланса, у ёғига нима қиламиз? Улрайхга ишонамиз. У ўз ролини яхши билади. Унинг нималарга қодирлигини кўрганмиз. Ноер жароҳат олганидан кейин унга ишонч билдирдик. Улрайх дарвозада турган вақт учинчи дарвозабон ҳақида ўйламадим. Аммо ҳолатни оғирлаштириш керак эмас. Бу барчамизнинг ишимиз, клубга бу керак”, — деди мутахассис.
