Ҳокимлар орасида полковниклар пайдо бўлди
Икки вилоят ҳокими Ватан ҳимоячилари кунида тақдирланди.
Самарқанд ва Фарғона вилояти ҳокимларига полковник унвони берилди. Бу ҳақда “ЎзА” ахборот агентлиги хабар қилмоқда.
Самарқанд вилояти ҳокими Эркинжон Турдимовга Ўзбекистон Республикаси Қуролли Кучлари ташкил этилганининг 31 йиллиги ҳамда Ватан ҳимоячилари куни муносабати билан Мудофаа вазирининг 11 январдаги буйруғи билан полковник ҳарбий унвони берилди.
Ҳарбий унвонни Марказий ҳарбий округ қўшинлари қўмондони генерал-майор Айбек Саидов тантанали равишда топширган.
Шунингдек, Фарғона вилояти ҳокими Хайрулло Бозоровга ҳам Мудофаа вазирининг 2023 йил 11 январдаги шахсий таркиб бўйича 1-сон буйруғи билан полковник ҳарбий унвони топширилган.
