Косон ХТБ биносида ёнғин чиқди
Ҳодиса оқибатида унга ёндош уй ҳам зарар кўрган.
Кеча, 14 январь куни Қашқадарё вилоятининг Косон туманида ХТБ биносида ёнғин чиқди. Бу ҳақда вилоят ФВБ хабар қилди.
Қайд этилишича, соат 20:17 ларда Косон тумани “Сарипул” МФЙ “Мустақиллик” шоҳкўчасида жойлашган Халқ таълими бўлимининг қўчимча 1 қаватли биносида ёнғин чиққан.
Воқеа жойига 2 та ёнғин-қутқарув бўлинмаси жалб қилиниб, манзилга соат тахминан 20:20 да етиб борган ва ёнғин тўлиқ соат 21:20 ларда бартараф этилган.
Ёнғиндан бинонинг тахминан 40 метр квадрат майдони ва унга ёндош фуқаро З.Қ.гa тегишли уйнинг 10 метр квадрат майдонда том қисми зарар кўрган.
Ҳодиса оқибатида ҳеч ким тан жароҳати олмаган. Ҳозирда ёнғин сабаби ва зарари мутахасислар томонидан аниқланмоқда.
Воқеа жойига Косон туман сектор раҳбарлари ва ФВБ масъуллари етиб боришган.
