Хулуси Акар: Швеция ва Финляндия НАТО олдидаги мажбуриятларини бажармаяпти
Бу борада Туркия ва Швеция ўртасида вазият чигаллашди.
Туркия Швеция ва Финляндиянинг НАТО аъзолиги бўйича Анқара олдидаги мажбуриятларини бажармаётганини кўрмоқда, — деди мамлакат миллий мудофаа вазири Хулуси Акар.
Аввалроқ Стокголмда Туркияда тақиқланган РКК тарафдорларининг митинги бўлиб ўтган ва унда Туркиянинг амалдаги Президенти Тоййиб Эрдоғонга нисбатан бир қанча ҳақоратомуз гаплар ва имо-ишоралар қилинган эди. РИА Новости манбасининг хабар беришича, Швециянинг Анқарадаги элчиси Туркия ТИВга чақирилган, унга акция муносабати билан норозилик билдирилган.
Туркия парламенти спикери Мустафо Шентоп швед ҳамкасбининг Анқарага режалаштирилган ташрифини бекор қилди. Туркия Президентининг адвокати мазкур ҳаракат юзасидан Анқара Бош прокуратурасига ариза билан мурожаат қилган ва жиноий иш қўзғатилган.
"Швеция ва Финляндия меморандум бўйича ўз мажбуриятларини қандай бажармаётганини кўриб турибмиз. Террор ташкилотларини қўллаб-қувватлашни тўхтатиш ва экспорт чекловларини олиб ташлаш бўйича аниқ қадамлар кутилмоқда. Айниқса, терроризмга қарши кураш — Туркия жамоатчилиги яқиндан кузатиб бораётган масала. Биз буни қаттиқ қоралаймиз ”, — деди Хулуси Акар.
Швеция ташқи ишлар вазири Тобиас Биллстрёмнинг айтишича, РКК ҳаракати Анқара томонидан Швециянинг НАТОга аъзо бўлиш учун аризасини ратификация қилиш жараёнини қийинлаштириши мумкин.
