Германия Россия газига қарамликдан қутулганини эълон қилди
Украина можаросидан аввал Берлин истеъмол қиладиган нефть ва газнинг қарийб ярмини Москвадан сотиб олган.
Германия Россия энергетика ресурсларига қарамликдан қутулди. Бу ҳақда мамлакат Кристиан Линднер маълум қилди.
“Албатта, Германия ҳамон энерготашувчиларнинг етказиб берилишига муҳтож, аммо Россиядан эмас, дунё бозорларидан”, – деган вазир.
Унинг қўшимча қилишича, Берлин муқобил етказиб берувчиларни топган. Бундан ташқари, ёпилган ИЭСлар қайта очилган. Ёпилиши режалаштирилган 3 та АЭС ишлашда давом этмоқда.
Бундан ташқари, Германия АҚШ ва Норвегиядан газ импорт қилишни кўпайтириш учун зарур инфратузилмани ривожлантиришда давом этмоқда. Линднер 8 ой ичида суюлтирилган газ қабул қилиш учун янги терминал қурилганини эслатиб ўтган.
Украина урушидан аввал Германия истеъмол қиладиган нефть ва газнинг қарийб ярмини Россиядан сотиб олган.
