ХВЖ раҳбари инсониятни чўкаётган Титаникка ўхшатди
Кристалина Георгиева бу фикрига изоҳ берди.
Халқаро валюта жамғармаси бошқарувчи директори Кристалина Георгиеванинг айтишича, бугунги кунда инсоният иқлим инқирози кўламини ҳисобга олган ҳолда Титаникда кетаётганга ўхшайди. У бу фикрини Давосдаги Жаҳон иқтисодий форумида билдирди.
“Биз ҳаммамиз бир кемадамиз. Кечирасиз, лекин аслида биз Титаникдамиз. Энди инсониятни ҳимоя қилиш учун юқори тезликда ривожланаётган мамлакатларни молиялаштиришга эътибор қаратишимиз керак”, — деди у.
Шу билан бирга, Георгиева пессимистик кўринишни истамаслигини таъкидлади.
“Менимча, Жанубий Африка нима қилиш мумкинлигини кўриш учун ажойиб намуна. Муаммо шундаки, бир-иккита ёрқин нуқта олдинга силжиш учун етарли эмас”, — дея хулоса қилди у.
