АҚШ ва Германия Украинага танк етказиб бериш бўйича келиша олмади
Берлин Киевга зирҳли техника беришни пайсалга солиб келмоқда.
Пентагон раҳбари Ллойд Остин ва Германиянинг янги мудофаа вазири Борис Писториус Украинага танклар етказиб бериш бўйича келишувга эриша олмади. Бу ҳақда CNN хабар берди.
Гап Leopard 2 танклари ҳақида кетмоқда. Берлин бу техникани Киевга етказиб беришни ортга суриб келмоқда. Кейинчалик Олаф Шольц АҚШ Abram танкларини берган тақдирда у ҳам Киевга шу турдаги қуролларни етказиб беришини маълум қилганди.
Остин босим ўтказганига қарамай, Писториус ён бермаган. Икки давлат мудофаа вазирлари учрашуви НАТОнинг “Рамштайн” базасидаги йиғилиши арафасида ўтказилди.
CNN суҳбатдоши Вашингтондаги айрим амалдорларнинг норозилигига сабаб бўлаётганини айтган. Шу билан бирга немис ҳукуматининг ўз позициясини ўзгартириши эҳтимоли паст.
Германия танклар бермаётгани Украина президенти Владимир Зеленский томонидан ҳам танқид қилинганди. У Берлинни масалани ортга сурмасликка чақирган.
