Фарғонада сув тошқини бўлгани айтилмоқда — видео
Ижтимоий тармоқларда Учкўприк туманида сув иншоотларидан сув тошаётгани акс этган видео тарқалди.
Гидрометеорог Эркин Абдулаҳатов телеграм канали орқали Фарғона вилояти Учкўприк туманида сув иншоотларидан бирида сув тошиш ҳодисалари бўлгани ҳақида видео жойлади.
Канал ва турли сув иншоот объектларида совуқ омили сабаб, сувнинг музлаши мана шундай сув тошқинлари бўлишига олиб келаётган кўринади. Сув иншоотларида сувнинг музлашининг мана шундай хунук оқибатлари кузатилиши мумкин.
Яъни музлаган каналларга тўсатдан кўп миқдорда сув очиш, музлаш омили сабаб, сувнинг канал ўзанига сиғмасдан тошиб кетишига олиб келиши мумкин.
"ФВВнинг жойлардаги бошқарма ҳамда бўлинмалари ва Давсвназорат инспекция давлат унитар корхона мутахассислари жойлардаги сув объектлари техник ҳолатини кўздан кечириб қўйишса ёмон бўлмасди", — дея қўшимча қилган Э.Абдулаҳатов.
