Ғарбнинг ёрдами можарони янги босқичга олиб чиқади — Песков
Путиннинг матбуот котиби Киевда аллақачон ҳужумкор воситалар борлигини таъкидлади.
Украинани РФ ҳудудига зарба бериш учун қурол-яроғ билан таъминланса, Ғарб давлатлари можарони янги босқичга олиб чиққан бўлади. Бу ҳақда президент Владимир Путиннинг матбуот котиби Дмитрий Песков маълум қилди.
У, шунингдек, бундай таъминот ҳақидаги мунозаралар ҳам "ўта хавфли" эканини таъкидлади.
"Бу можарони янги даражага олиб чиқишни англатади, бу глобал ва умумевропа хавфсизлиги нуқтаи назаридан яхши натижа бермайди", — дейди Песков.
Амалдорнинг сўзларига кўра, Украина аллақачон ҳужумкор қуролга эга.
“Унинг ёрдамида Россия ҳудудига ҳар куни доимий зарбалар бериб туради, мен бизнинг янги ҳудудларимизни назарда тутяпман”, — деб қўшимча қилган у.
