Нидерландия ва Япония АҚШнинг ортидан бормоқда
Улар Хитойга чип етказиб бермайди.
АҚШдан кейин Нидерландия ва Япония январь ойи охиригача Хитойга микросхемалар ишлаб чиқариш учун ускуналар экспортини чеклаши мумкин. Бу ҳақда Bloomberg хабар берди.
"АҚШ маъмурияти Нидерландия ва Японияни ўз ичига олган экспорт чекловларини кенгайтиришдан аниқ манфаатдор бўлса-да, икки давлат улкан бозорни йўқотиш хавфига дуч келмоқда", — дея қўшимча қилади нашр.
Агар уч давлат келишилган чора кўрса, ХХР янада яккаланиб қолиши ва энг янги технологиялардан маҳрум бўлиши мумкин.
Октябр ойида АҚШ Хитойнинг 28 технологик компаниясига АҚШда ишлаб чиқарилган яримўтказгич чиплари олишни чеклади. Қўшма Штатлар, шунингдек, 31 та Хитой компаниясини АҚШнинг нанотехнологияларни экспорт қилишда гумонланувчилар рўйхатига киритди.
