Тасодифан ўчириб юборилган файллар АҚШда барча ички авиарейсларни тўхтатилишига сабаб бўлган
Ўтган ҳафта Қўшма Штатларда учувчиларни огоҳлантириш тизими ишдан чиққанди. Оқибатда 10 мингдан ортиқ рейслар тўхтатиб қўйилганди.
АҚШда 11 январь куни NOTAM учувчиларни огоҳлантириш тизими ишламай қолганди. Натижада мамлакатдаги барча ички авиарейслар бир неча соатга тўхтатилганди. Америка фуқаролик авиацияси федерал агентлиги тизим нима учун ишламай қолганини маълум қилди.
“Агентлик ҳозирча киберҳужум ёки бошқа тажовузкор ҳаракатлар бўйича далиллар топгани йўқ. Катта эҳтимол билан тизим ишламай қолишига файлларнинг тасодифан ўчириб юборилиши сабаб бўлган”, — дейилади агентлик ахборотида.
NOTAM тўхтаб қолиши оқибатида 10 минг рейс ички ва халқаро рейслар тўхтатиб қўйилган ва 1.3 минги бекор қилинганди.
