АҚШ Шимолий Кореянинг Россияга қурол сотгани бўйича далилларни БМТга тақдим этди
Вашингтон Пхеньяннинг “Вагнер” хусусий ҳарбий компаниясига қурол етказиб бераётганини таъкидламоқда.
АҚШ БМТга Шимолий Кореянинг Россияга қурол билан ёрдам бераётгани тўғрисида далилларни тақдим этди. Бу ҳақда Оқ уй ҳузуридаги хавфсизлик кенгаши вакили Жон Кирби маълум қилди.
Ҳужжатлар БМТ Хавфсизлик кенгашининг КХДРга қарши санкциялар бўйича қўмитага тақдим этилган. Унда қайд этилишича, Пхеньян “Вагнер” хусусий ҳарбий компаниясига қурол сотган.
Кирби АҚШ разведкаси томонидан олинган суратларни кўрсатган. Унда Шимолий Корея томон ҳаракатланаётган Россия вагонларини кўриш мумкин. кейинчалик бу вагонларга ракеталар ортилган.
Оқ уй вакили етказиб бериш жараёни давомий бўлишини тахмин қилган. шунингдек, у КХДРнинг “Вагнер”га қурол беришни зудлик билан тўхтатишга чақирган.
Шу билан бирга Вашингтон Шимолий Корея қуроллари Украина урушига сезиларли таъсир кўрсата олмаганини қайд этган.
