Арестович: Руслар низонинг биринчи беш кунида Украинада “ақлли уруш” олиб борди
Владимир Зеленский жамоасининг собиқ аъзоси Россия Украинада дастлаб Америка армияси ҳаракатларига тақлид қилганини айтди.
Россия қўшинлари Украина можаросининг дастлабки беш кунида аниқ зарбалар билан “ақлли уруш” олиб боришга ва маълум маънода Америка армиясига тақлид қилишга ҳаракат қилди. Бу ҳақда Владимир Зеленский офиси раҳбарининг собиқ маслаҳатчиси Алексей Арестович маълум қилди.
“Мен уларни ахборот майдонида нима қилаётганини тушунардим. Улар махсус операцияни тартибли, гўзал, тезкор кўрсатишга ҳаракат қилишди. Бу ерда “мулойим одамлар” мушукка ҳам, болага ҳам зарар етказмаган, фақатгина айрим қаршилик кўрсатганлар йўқ қилингани айтилганди”, – деган сиёсатчи.
Арестовичнинг сўзларига кўра, беш кундан сўнг низо бутун салбий тарафларини кўрсатди. У кучли қаршилик фонида тартибли ҳаракатларга ўрин бўлмаслигини айтган.
Шу билан бирга Зеленский офисининг собиқ аъзоси руслар дастлаб ҳеч кимни ўлдирмоқчи бўлмагани, фақатгина ҳокимият алмашинувини истаганига ишонч билдирган.
