«Вагнер» ёллаган маҳбуслар фронтни ташлаб кетди
Улардан фақат 10 минг нафари жанговар ҳаракатларда иштирок этмоқда.
«Вагнер» хусусий ҳарбий компанияси томонидан ёлланган 50 000 маҳбусдан фақат 10 000 нафари фронтда қолди. Қолганлари ҳалок бўлган ёки ташлаб кетди, деб хабар беради Медуза.
Россиянинг " Русь сидящая" хайрия жамғармаси раҳбари Олга Романованинг таъкидлашича, маҳбуслар "даҳшатли куч билан" кузда фронтни тарк эта бошлаган. Уларнинг кўплари ўзлари билан қурол олиб, Россияга қайтиб кетишган.
“Бизнинг маълумотларимизга кўра, декабрь ойи охирига келиб 42-43 минг нафар маҳбус ёлланган. Улардан ўн мингтаси фронтда жанг қилмоқда, чунки қолганлари ё ўлдирилган, ёки бедарак йўқолган ёки ташлаб кетган”, — деди Романова.
Эслатиб ўтамиз, ўтган йили «Вагнер» асосчиси Евгений Пригожин Россия қамоқхоналарида юриб, кўплаб маҳбусларни фронтга жалб қилганди.
