АҚШ штатлари Байденнинг миграцион сиёсати устидан судга мурожаат қилди
Техас ушбу ташаббуснинг бошида тургани айтилмоқда.
АҚШнинг 20 та штати федерал судга мигрантларга ёрдам дастурини тўхтатиш бўйича мурожаат қилди. Бу ҳақда CBC телеканали хабар берди.
Мурожаат Алабама, Аляска, Арканзас, Айдахо, Айова, Вайоминг, Ғарбий Виргиния, Канзас, Кентукки, Луизиана, Миссисипи, Миссури, Монатана, Небраска, Огайо, Теннесси, Флорида, Жанубий Каролина ва Юта штатлари томонидан қилинган. Бу Техас штатининг ташаббуси эканлиги айтилмоқда.
Штатлар АҚШ Президенти Жозеф Байденнинг миграция бўйича янги чораларига қарши чиқмоқда. Улар президент администрацияси янги дастурни амалга оширишдан олдин жамоатчилик фикрини инобатга олиши керак эди, деган фикрда.
Байденнинг янги ташаббусига кўра, ҳар ойда Венесуэла, Гаити, Куба ва Никарагуанинг 30 минг фуқароси АҚШга 2 йил муддатга кириши мумкин. Бундан ташқари, Ғарбий яримшардан қочқинларни қабул қилиш квоталари ҳам оширилди.
