Трамп: Агар президент бўлганимда, Украина низосини бир сутка ичида тўхтатган бўлардим
АҚШнинг собиқ етакчиси Жозеф Байденнинг Украина бўйича сиёсатини тез-тез танқид қилади.
Дональд Трамп агар АҚШ президенти бўлганида, бир сутка ичида Украина низосини тўхтатган бўларди. Бу ҳақда собиқ президент ўзининг Truth Social ижтимоий тармоғида маълум қилди.
“Ҳатто ҳозир ҳам, агар мен президент бўлганимда, бу даҳшатли урушни 24 соат ичида тўхтатишга келиша олардим”, – деган сиёсатчи.
Трамп бундан олдин Жозеф Байден администрациясининг Украина бўйича сиёсатини танқид қилганди. У низони қурол юбориш орқали эмас, келишув билан якунлаш зарурлигини айтганди.
