Байденнинг шахсий ён дафтарлари мусодара қилинди
Уларга махфий маълумотлар қайд этилган бўлиши мумкин.
Федерал қидирув бюроси АҚШ президенти Жо Байденнинг уйларидан бирида унинг шахсий ён дафтарларини мусодара қилди. ФҚБ уларни Делавер штатида қўлга киритган махфий ҳужжатлар рўйхатига қўшган.
Қайд этилишича, дафтарлар тергов учун қизиқиш уйғотади, чунки Байденнинг баъзи ёзувлари унинг вице-президент сифатидаги расмий фаолияти, жумладан, Обама президентлиги давридаги дипломатик фаолияти тафсилотлари билан боғлиқ ва уларда махфий маълумотлар бўлиши мумкин. Блокнотларда Байденнинг шахсий ва расмий мавзудаги турли қайдлари бор.
Дафтарларнинг баъзи саҳифалари потенциал махфий маълумотларни ўз ичига олмаса ҳам, Президент ёзувлари тўғрисидаги қонунга мувофиқ давлат мулки ҳисобланиши мумкин.
