"Емаган сомсасига пул тўлаган" америкалик ҳикояси
У қилмаган жинояти учун 23 йилини қамоқда ўтказди.
АҚШнинг Гавайи штатида яшовчи шахс ўзи қилмаган қотиллик учун 23 йил қамоқ жазосини ўтаган.
Хило шаҳри суди 2000 йилда бировнинг жинояти учун адашиб қамалган 51 ёшли Алберт Ян Швайцерни озод қилиш ҳақида қарор чиқарди.
Жиноят тафсилотларига кўра, 23 ёшли Дана Айрленд 1991 йил 24 декабрда вафот этган. У Капоҳо яқинида велосипедда кетаётганида машина уриб юборди. Номаълум шахслар Айрлендни буталар ичига судраб олиб кириб, зўравонлик қилишган. Полиция уни топганда аёл ҳамон нафас олаётган эди. Кейинчалик Айрленд ҳушига келмай касалхонада вафот этди.
1997 йилда Алберт Швайцер, унинг укаси Шон ва Франк Паулин исмли шахс жиноятда айбланган. Айбловлар Паулиннинг қарама-қарши кўрсатмаларига асосланиб, ашёвий далиллар билан тасдиқланмаган.
Хусусан, жиноят жойидан топилган биологик материаллар учовлоннинг бирортасига тегишли эмас эди. Кейинчалик Паулин ўгай укасини озод қилиш учун Швайцерларга туҳмат қилганини айтди, аммо унинг иқрорлиги инобатга олинмади.
2020 йилда Алберт Швайцер ҳам, унинг укаси ҳам айбдор деб топилди. Иккала ўғлини абадий йўқотишдан қўрққан ота-оналарнинг илтимосига кўра, Шон Швайцер тергов билан шартнома тузди. У қотилликда айбини тан олди, бунинг учун у енгил жазо олди.
Алберт Швайцер ишини қайта кўриб чиқиш The Innocence Project ("Project Innocence") ташкилоти ходимларининг саъй-ҳаракатлари туфайли 2019 йилда бошланган. Янги ДНК тестлари ўтказилди, унинг асосида Швайцер, унинг укаси ва Франк Паулин жиноятга алоқадорлар рўйхатидан чиқарилди.
Алберт Швайцер унинг озод этилишида иштирок этган барчага миннатдорчилик билдирган.
