Андижонда темирйўл узели ходими пора билан қўлга тушди
Ҳозирда ҳолат юзасидан жиноят иши қўзғатилган
Тадбиркордан 1 500 АҚШ доллари талаб қилган станция бошлиғи ушланди, дея хабар бермоқда Бош прокуратура ҳузуридаги иқтисодий жиноятларга қарши курашиш департаменти.
Қайд этилишича, департамент ҳамда ДХХнинг Андижон вилояти бошқармалари томонидан тадбиркорлик субъектларининг ҳуқуқларини ҳимоя қилиш юзасидан тезкор тадбир ўтказилган. Унда “Қўқон минтақавий темир йўл узели” УКнинг “Андижон-1” станцияси бошлиғи М.М. “P.t.” МЧЖга аҳолига арзон нархларда кўмир етказиб беришда темирйўл харажатлари учун имтиёз берилганлигидан фойдаланиб, МЧЖ иш юритувчиси Д.З.га гўёки имтиёзлардан фойдаланишда кўмаклашиш эвазига 1 500 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
