Украинага "Абрамс" танклари қачон етказиб берилиши маълум қилинди
Ушбу танк АҚШ ҳарбий захираларидан берилмайди.
"Абрамс" танклари Украинага шу йил охирида ёки ҳатто 2024-йилда етиб келади. Бу ҳақда "The Washington Post" ёзмоқда.
Хабарга кўра, 31 та М1А2 танки АҚШ ҳарбий захираларидан берилмайди, балки қайта сотиб олинади.
"Абрамс" танкининг энг муҳим хусусиятларидан бири, бу унинг зирҳи бўлиб, у кам бойитилган урандан ясалган. Украинага танк ушбу хусусиятсиз берилади. Айнан зирҳ "Абрамс"нинг энг қаттиқ сақланадиган сири ҳисобланади.
Аввалроқ Қўшма Штатлар фақат Германияга "Леопард" экспортини очиш учун танклар етказиб беришга рози бўлгани хабар қилинган эди.
