АҚШ ва Исроил Эронга қарши бирлашмоқдами?
Нетаньяху Энтони Блинкен билан учрашув якунлари ҳақида гапирди.
Исроил ва Қўшма Штатлар Эроннинг ядро қуроли ва уни етказиб бериш воситаларига эга бўлишининг олдини олиш учун қўлидан келган ҳамма нарсани қилади. Бу ҳақда Исроил бош вазири Биньямин Нетаньяху Қуддусда АҚШ давлат котиби билан қўшма матбуот анжуманида маълум қилди.
"Бизнинг сиёсатимиз...Эрон ядро қуроли ва уни етказиб бериш воситаларига эга бўлишининг олдини олиш учун қўлидан келган барча ишни қилишдан иборат. Бу ўзгаришсиз қолмоқда. Лекин, шубҳасиз, биз ва Қўшма Штатлар биргаликда ишлаётганимиз ҳам ушбу умумий мақсад учун муҳим", - деди Исроил ҳукумати раҳбари.
У АҚШ Давлат котиби Энтони Блинкен билан учрашувни хавфнинг олдини олиш бўйича умумий сиёсатни шакллантириш борасида жуда яхши муҳокама бўлди, деб таърифлади.
Нетаньяху шунингдек, дунё Эроннинг ўз чегаралари ва Яқин Шарқ минтақасида босқинчилик олиб бораётганига гувоҳ бўлганини таъкидлади. Шунинг учун, унинг сўзларига кўра, бу режим ядро қуролига эга бўлмаслиги кераклиги ҳақида умумий фикр мавжуд.
