Tesla эгаси рулсиз қолди
Компания бунинг учун 103,96 доллар талаб қилган.
АҚШда “Tesla Model Y” ҳайдовчиси автомобилни бошқариб кетаётганида руль жойидан чиқиб кетди.
Полиция ёрдами билан электромобил эвакуаторга ортилган ва сервис марказига олиб кетилган.
Аввалига компания носозликни ўз ҳисобидан тузатишга дарҳол рози бўлмади.
Tesla бунинг учун 103,96 доллар талаб қилган, бироқ эркак ариза билан мурожаат қилган, шундан сўнг пул унга қайтарилган.
Ҳайдовчининг сўзларига кўра, Tesla рулни таъмирлаш бўйича кафолат бермаган, шунинг учун энди қайта носозликлар юзага келса, эгаси электромобилини ўзи таъмирлаши керак бўлади.
