Эронда икки блогер кўчада рақс тушган видеоси учун 10,5 йилга қамалди
Шунингдек, блогерлар қамоқ жазосини ўтаб бўлгач, икки йил давомида интернетдан фойдаланиш ва Эронни тарк этиш ҳуқуқидан маҳрум қилинган.
Астияж Хагиги ва Амир Аҳмадий исломий кийиниш қоидаларига зид равишда рақсга тушган видеони эълон қилгани учун ҳар бири 10,5 йил қамоқ жазосига ҳукм қилинди. Шунингдек, қамоқ муддати тугагандан сўнг икки йил давомида уларга интернетдан фойдаланиш ва мамлакатни тарк этиш тақиқланди. Бу ҳақда IranWire хабар берди.
Нашрнинг ёзишича, суд блогерларни "коррупцияни рағбатлантириш" ва "мамлакат миллий хавфсизлигига путур етказиш мақсадида фитна уюштириш"да айблаган. Хагиги ва Аҳмадий адвокат олиш ҳуқуқидан маҳрум қилинган, уларнинг гаров эвазига озод қилиш ҳақидаги илтимослари рад этилган. Ҳукумат оилаларига ҳам уларнинг ҳибсга олингани ҳақида гапирмаслик учун босим ўтказган бўлиши мумкин.
