Франциядаги пицца ошпази 16 йилдан бери қочиб юрган "мафия" экани аниқланди
У 1991 йил январь ойида иккита қотиллик ва 1991 йил июль ойида қотилликка уриниш учун умрбод қамоқ жазосига ҳукм қилинган.
Интерпол Франция шарқидаги Сент-Этьен шаҳрида 16 йил давомида қочиб юрган "мафия" қўлга олингани ҳақида хабар берди, деб ёзади Euronews агентлиги.
Калабрия мафиясининг «Ндрангета» лақаби билан танилган 63 ёшли Эдгардо Греко пайшанба куни эрталаб ҳибсга олинди.
У 1991 йил январь ойида иккита қотиллик ва 1991 йил июль ойида қотилликка уриниш учун умрбод қамоқ жазосига ҳукм қилинган.
Франция полицияси Грекони икки ҳамкор давлатнинг I-Can лойиҳаси доирасида (Интерполнинг Ндрангҳетага қарши ҳамкорлиги) бир қисми сифатида италян карабинери томонидан баҳам кўрилган маълумотларга асосланиб ҳибсга олди.
Италия ички ишлар вазири Маттео Пиантедоси ушбу муҳим қўшма операциядан жуда мамнун эканини билдирди.
Италиянинг AGI ахборот агентлиги хабарига кўра, Греко Сент-Этьендаги пиццахонада Паоло Димитри исми билан пицца ошпази бўлиб ишлаган.
Тахминларга кўра, у ўзи яшаган Козенца шаҳридаги энг муҳим Перна-Пранно кланининг аъзоси бўлган.
Ўтган ой карабинерлар Сицилиянинг Палермо шаҳрида 30 йилдан бери яшириниб юрган италиялик мафия Маттео Мессину Денарони ҳибсга олишган эди.
