Пиёз юклаб кетаётган 23 та юк машинаси тўхтатиб қолинди
Маҳсулот Россияга олиб кетилаётган бўлган.
Қозоғистонда пиёз ортилган 23 та юк машинасининг Россия ҳудудига чиқиб кетилаётганда ушлаб қолингани айтилмоқда.
Маълумотларга кўра, Чимкент, Жамбил ва Туркистон вилоятларида йўлга чиққан Ғарбий Қозоғистон вилояти орқали Россияга ўтиб кетмоқчи бўлиб турганида тўхтатиб қолинган.
Тутиб қолинган юк эгаларига қайтарилиши ёки Қозоғистоннинг бошқа жойлари сотилиши айтилмоқда.
Аввалроқ Марказий Осиё мамлакатларида ҳаво ҳароратининг кескин пасайиб кетиши ортидан пиёз ва кўплаб мева-сабзавотлар музлаб қолаётгани, бунинг ортидан бозорларда нархлар ошиб, айрим жойларда тақчиллик еузатилаётгани хабар қилинган. Шу муносабат билан Қозоғистон жорий йилнинг 28 январидан эътиборан пиёз экспортига уч ойлик чеклов жорий қилган.
Ўзбекистон Қишлоқ хўжалиги вазирлиги ҳам қарийб икки ҳафта муқаддам йил бошидан 4 ойга пиёз экспорт қилишга вақтинча чеклов ўрнатилганини очиқлаган эди.
